Atrás

CaleyAvilés programa seis visites p'afondar na historia de la nuestra ciudá

CaleyAvilés programa seis visites p'afondar na historia de la nuestra ciudá

Segunda edición d'esti ciclu d'actividaes qu'entama la Estaya de la Llingua

La Estaya de la Llingua del Conceyu d'Avilés entama, pela segunda vez, el ciclu d'actividaes CaleyAvilés. Nesta ocasión van incluise seis visites guiaes per diferentes sitios de la nuestra ciudá, lo que duplica les visites de la edición anterior.

Cartel de CaleyAvilés. Cartel de CaleyAvilés.

CaleyAvilés ufre la posibilidá de conocer en llingua asturiana los entornos naturales y urbanos de la villa y la redolada. Esti añu ye la segunda edición que se fai depués del éxitu del añu pasáu.

La mayoría de les visites entamaes en 2016 tuvieron qu'ampliar el númberu de places. Mesmamente, participó n'elles xente d'otros conceyos d'Asturies -sobre manera d'Uviéu y Xixón- que quixeron conocer meyor la historia y los requexos d'una ciudá milenaria.

Ye de reseñar qu'esti ciclu surdió depués del éxitu de les dos visites feches nel 2015 al Parque Ferrera y de la que s’entamó en mayu del 2016 nel Muséu de la Historia Urbana d’Avilés, que coincidió col Día Internacional de los Museos -visita que vuelve a repetise esti añu-.

El programa d'actividaes pa esti 2017 ye'l que vien darréu:

  • Xueves, 18 de mayu

-10.00 hores. Cascu Históricu, entamando pel Barriu Sabugu

Sitiu d'alcuentru: Plaza d'El Carbayu

-18.00 hores. Muséu de la Historia Urbana d'Avilés (Cai La Ferrería, 33)

Pa esta visita hai qu'apuntase nel MHUA, al traviés del teléfonu (985 56 55 12) o per corréu electrónicu (museodeaviles@ayto-aviles.es)

  • Vienres, 24 de mayu

-16.00 hores. Parque Ferrera

Sitiu d'alcuentru: Edificiu La Nora

 

  • Miércoles, 21 de xunu

-18.00 hores. Parque La Madalena

Sitiu d'alcuentru: Entrada'l parque, onde'l Colexu Enrique Alonso.

  • Vienres, 21 de xunetu

-18.00 hores. Cascu Históricu

Sitiu d'alcuentru: Delantre la Casa Conceyu (El Parche)

  • Llunes, 21 d'agostu

-18.00 hores. Barriu de Llaranes

Sitiu d'alcuentru: Delantre la Ilesia Santa Bárbara

Toles visites son de baldre. El númberu de places disponible pa cada actividá ye de 25 persones y recomiéndase llevar calzáu cómodu. P'apuntase hai que llamar al teléfonu 985 54 55 08 o unviar un corréu electrónicu a estayallingua@ayto-aviles.es.

 

Imprimir

 

 

Próximos eventos

Tren Turístico

Miércoles 12 Julio

Visitas guiadas al Museo de la Historia Urbana

Museo de la Historia Urbana de Avilés

Martes 25 Julio, 11:30 h.

Jornada Puertas Abiertas Centro Atención Personas Sin Hogar

C/Estación, 15

Viernes 28 Julio, 10:00 h.

Presentación la Regata Transgascogne

Viernes 28 Julio, 12:00 h.

Visita guiada a la Rula de Avilés

Viernes 28 Julio, 16:45 h.

Exposiciones

Exposición "Frágil" de Juan Pablo Moreiras

Centro Municipal de Arte y Exposiciones, Avilés

Lunes 3 Julio

Exposición "Grandes del Sella"

Casa Municipal de Cultura de Avilés

Sábado 22 Julio

Esposiciones "Mitotriloxía" e "Intercélticu: otra mirada"

Palacio de Valdecarzana, Avilés

Lunes 24 Julio, 11:00 h.

Exposición "La Dura Infancia. Fotografía y trabajo infantil en Asturias"

Museo Historia Urbana de Avilés

Jueves 27 Julio

El Patio