Atrás

Raquel Fernández Menéndez lleva'l XI premiu de rellatos n'asturianu L'Horru del Carbayedo

Raquel Fernández Menéndez lleva'l XI premiu de rellatos n'asturianu L'Horru del Carbayedo

Col rellatu "La cazadora"

Félix Fernández Rodríguez llevó'l segundu premiu col cuentu "Les llavanderes de Fontecaliente"

Hórreo del Parque ded Carbayedo Hórreo del Parque ded Carbayedo

El rellatu "La cazadora", de Raquel Fernández Menéndez, y "Les llavanderes de Fontecaliente", de Félix Fernández Rodríguez, llevaron el primer y el segundu premiu, respectivamente, del XI Concursu de rellatos curtios en llingua asturiana de L'Horru d'El Carbayedo. Trátase d'un gallardón qu'entama l'asociación de vecinos El Hórreo d'El Carbayedo en collaboración cola Estaya de la Llingua del Conceyu d'Avilés.

El xuráu tuvo formáu por Montserrat Machicado, de la Estaya de Llingua, la escritora Susana Sela y el periodista Damián Barreiro. La ganadora va llevar un premiu de 500 euros y un troféu, mentes que'l segundu va recibir 300 euros y una placa. L'actu d'entrega va facese 21 d'agostu, "Llunes d'asturianía", a les 18.00 hores na Factoría Cultural.

Al concursu podíen presentase rellatos curtios n'asturianu de nun más de 500 palabres. Tolos cuentos, premiaos y non premiaos, van esponese al públicu nel Parque d'El Carbayedo, coincidiendo coles fiestes de San Roque (18 al 21 d'agostu).

La ganadora

Raquel Fernández Menéndez (Salas, 1993) ye graduada en Llingua Española pola Universidá d'Uviéu y una de les promeses de la lliteratura asturiana. A esti gallardón d'El Horru hai que sumar el del II Concursu de microrrellatos improvisaos n'asturianu pa xente mozo: "Entaína a escribir", qu'entama'l Gobiernu d'Asturies, o'l del certame de poesía Nené Losada Rico, qu'entama'l Conceyu de Valdés y que ye un de los de más prestixu de les lletres asturianes.

Imprimir

Próximos eventos

XI Premiu de Rellatos Curtios n'asturianu L'Horru d'El Carbayedo

Parque d'El Carbayedo

Domingo 20 Agosto, 09:30 h.

"La Dura Infancia. Fotografía y trabajo infantil en Asturias"

Museo Historia Urbana de Avilés (C/ Ferrería,35)

Domingo 20 Agosto, 11:00 h.

"Pintando versos". Colectiva inspirada en Ana de Valle

Palacio de Valdecarzana , (C/ El Sol, 1)

Lunes 21 Agosto, 11:00 h.

Visita guiada pel barriu de LLaranes ( Ciclu Caleyavilés )

Sitiu d'alcuentru: delantre la ilesia Santa Bárbara

Lunes 21 Agosto, 18:00 h.