Atrás

CaleyAvilés va amosar los secretos del Parque Ferrera nuna visita guiada n'asturianu

CaleyAvilés va amosar los secretos del Parque Ferrera nuna visita guiada n'asturianu

El vienres 3 d'agostu con salida a les 19.00 hores dende l'Edificiu de La Noria

El vienres de la selmana que vien -3 d'agostu- Caleyavilés va ufrir una visita guiada n'asturianu pel emblemáticu Parque Ferrera. El percorríu entamará a les 19:00 hores nel Edificiu de La Noria. L'actividá ye de baldre apuntándose primero, llamando al teléfolu 985 545 508 o mandando un corréu electrónicu a estayallingua@aviles.es

Parque de Ferrera Parque de Ferrera

Sigue asina la tercer edición del ciclu Caleyavilés, entamáu pola Estaya de la Llingua del Conceyu d'avilés, que nos dexa conocer los secretos de dalgunos de los sitios más importantes de la ciudá.

La d'esti vienres sedrá la cuarta de les cinco visites que se faen andando programaes pal ciclu d'esti añu y qu'entamron el vienres 18 de mayu, coincidiendo col Día Internacional de los Museos. Nel mes de xunu la visita foi pel parque de La Madalena y en xunetu pel barriu de Sabugo, paraue del Muelle y paséu de la Ría. L'asistencia a estes actividaes creció respeuto a la edición anterior, muiestra del aumentu de la popularidá d'esta iniciativa.

El programa de visites guiaes n'asturianu pa esti añu ye'l que vien darréu:

  • Vienres 18 de mayu. 19 hores. Muséu de la Historia Urbana d'Avilés
  • Vienres 1 de xunu. 19 hores. Parque de La Madalena. Puntu d'alcuentru: entrada al parque xunto al CEIP Enrique Alonso.
  • Vienres 6 de xunetu. 19 horas. Barriu de Sabugo, parque d'El Muelle y Paséu de la Ría. Puntu d'alcuentru: plaza d'El Carbayo, delantre la ilesia de Sabugo.
  • Vienres 3 d'agostu. 19 hores. Parque Ferrera. Puntu d'alcuentru: Edificiu de La Noria, dientro'l parque.
  • Vienres 7 de setiembre. 19 hores. Cascu Históricu. Puntu d'alcuentru: plaza de España, delantre  la Casa Conceyu

Cada visita vien a durar una hora y media, pa 25 palces. les actividaes son de baldre y recomiéndase llevar zapatos cómodos. P'apuntase hai que llamar al 985 545 508 o mandar un corréu electrónicu a estayallingua@aviles.es

Nos dos años anteriores l'actividá atraxo visitantes d'otros Conceyos d'Asturies, a los y les que-yos prestó muncho ver la ciudá milenaria d'una manera diferente, ciudá que tien una historia mui marcada dende la evolución de la so trazáu urbanu. 

Esti ciclu de visites xurdió del ésitu de les que se ficieron en 2015 pel parque Ferrera y en 2016 al Muséu de la Historia Urbana nel Día Internacional de los Museos, cita esta que se caltuvo como entamu del ciclu.

Imprimir

Próximos eventos

Exposición fotográfica "Factoría Sound"

Factoría Cultural ( Avenida de Portugal, 13). Avilés

Viernes 17 Agosto, 09:00 h.

XII Muestra Teatro Amateur:Las mujeres sabias" , de Molière

Teatro del Centro Cultural de Los Canapés.Versalles

Viernes 17 Agosto, 19:00 h.